Фаъолияти Шурои илмӣ- методии факултети таърих тибқи санадҳои меъёрии ҳуқуқӣ оид ба соҳаи таҳсилоти олии касбӣ, Оинномаи Донишгоҳ, қарори Шӯрои олимон, фармоишу дастурҳои Раёсати донишгоҳ ва садорати факултет ҷиҳати тадриҷан беҳтар кардани сифати таълим, такмили маҳорати касбии омӯзгорон, ҷустуҷӯйй роҳҳо ва усулҳои пешқадами таълим, инчунин истифодаи технологияи инноватсионӣ дар ҷараёни таълим ба роҳ монда шудааст.
Шурои илмӣ – методии факултети таърих зери роҳбарии н.и.т., дотсенти кафедраи таърихи нав ва навини кишварҳои хориҷӣ Ҳалимова М.М. фаъолият дорад, ки дар он мутахассисони варзидаи соҳа д.и.т., профессор Зикриёева М.Ф., д.и.т., профессор Турсунов Т., н.и.т., дотсент Асоев С., н.и.ф., дотсент Ғуломов Т., н.и.т., дотсент Шарофуддинов С., н.и.т., дотсент Иброимова Г.С. ва н.и.т., дотсент Шодипур Ю. аъзо мебошанд, ки дар таълиму тарбия ва баланд бардоштани сатҳу сифати таълим саъю кӯшиши зиёд доранд. Аъзоёни Шурои илмиву методӣ ба сифати таълим, такмили маҳорати касбии омӯзгорон, ҷустуҷӯии роҳҳо ва усуслҳои пешқадами таълим таваҷҷӯҳи хосса зоҳир менамояд
Вазифа ва салоҳиятҳои Шурои илмӣ- методии факултет:
– муайян кардани дурнамо ва самтҳои асосии фаъолияти таълимию методии факултет;
-ҳамоҳангсозии фаъолияти таълимию методии омӯзгорону кормандони факултет, кафедраҳо дар самти таҳия ва такмили лоиҳаи нақшаҳои таълимӣ, барномаҳои таълимӣ, силлабусҳо, дастурҳои таълимӣ-методӣ, тавсияҳои методӣ, таълифи китобҳои дарсӣ, коркарди меъёри баҳодиҳӣ ба дониши донишҷуён;
– таҳияи тавсияҳои боэътимоди илмӣ доир ба масъалаҳои ташкил ва такмили корҳои таълимию методӣ аз рӯйи ихтисос таҳия ва таъмини тавсияҳои методӣ оид ба мураттаб сохтани ҳуҷҷатҳои меъёрии роҷеъ ба корҳои таълимию методӣ (лоиҳаи нақшаҳои корӣ, намунавӣ ва таҷрибавии таълимӣ, таҳияи барномаҳои таълимии фаннӣ (силлабусҳо, маҷмӯи саволу ҷавобҳои тестӣ (санҷишӣ), саволу ҷавобҳои рейтингӣ);
– таъмини таҳияҳои илмию методӣ ҷиҳати татбиқи технологияи инноватсионӣ дар раванди таълим (низоми таҳсилоти кредитӣ, усули фосилавии таълим, истифодаи технологияи компютерӣ ва интернет дар ҷараёни таълим, шиносоӣ бо нанотехнология ва дигар воситаҳои иттилоотӣ-иртиботӣ);
– таҳлилу натиҷагирии сатҳи донишазбаркунии донишҷӯён, таҳияи тавсияҳои методӣ оид ба мониторинг ва назорати сифати таълим;
– таҳлили натиҷаи корҳои илмию методии омӯзгорону кормандони факултет, омӯзгорони алоҳида ҷиҳати беҳтар намудани раванди таълим ва татбиқи таҳияҳои илмӣ дар ҷараёни таълим;
-омӯзиши таҷрибаи пешқадами омӯзгорону кормандони кафедраҳо, омӯзгорони алоҳидаи донишгоҳӣ доир ба ташкили раванди корҳои таълимию тарбиявӣ ва татбиқи он тавассути чорабиниҳои илмию методии факултет (баргузор кардани конференсияҳо, семинарҳои илмӣ-методӣ, таҳияи маҷмӯаи илмӣ-методӣ дар факултет, хабарномаи методӣ, намоиши эҷодии омӯзгорон ва ғ.);
– омӯзиш, натиҷагирӣ ва назорати ҷараёни таҷрибаомӯзиҳои таълимӣ, омӯзгорӣ, истеҳсолӣ, илмӣ-истеҳсолӣ ва пешаздипломии донишҷӯёну магистрантҳо;
– таҳияи тавсияҳо оид ба такмили сатҳи тайёрии назариявӣ ва амалии мутахассисони ҷавон ва ғ.
Дар ҳайати Шурои илмӣ- методии факултети таърих мудирони кафедраҳои тахассусӣ ва устодони соҳибтаҷрибаи аъзо мебошанд.
